Ermenistan ve Azerbaycan bir-birine olğan topraq iddialarından vazgeçtiler. Bu aqta taraflarnıñ avgustnıñ 11-nde derc etken Azerbaycan ve Ermenistan arasında «barışıq ve devletlerara munasebetler añlaşmasınıñ» metninde aytıla.
Bundan evel añlaşma aqqında az şey belli edi. Keçken afta Azerbaycan prezidenti İlham Aliyev ve Ermenistan baş naziri Nikol Paşinân Beyaz Sarayda Amerika prezidenti Donald Trumpnıñ yanında añlaşmanı başlattı. Böylece taraflar vesiqa metnine razı olğanlarını ve ibarelerniñ deñiştirmeyceklerini tasdıqladı.
Trump avgustnıñ 8-nde Aliye ve Paşinânni «on yıllarnen devam etken zıddiyetten soñ bu añlaşmalar ve barışıqqa ıntılğanları içün tarihta qalacaq eki pek aqıllı lider» olaraq maqtadı.
«Ermenistan ve Azerbaycan bütün cenk areketlerini toqtatmağa, ticaret, seyaat ve diplomatik munasebetlerni açmağa, bir-biriniñ suvereniteti ve topraq bütünligini ürmet etmege mecbur ola», – dedi Trump.
Donald Trump avgustnıñ 8-nde Beyaz sarayda o, Azerbaycan ve Ermenistan liderlerini memleketler arasında on yıllarnen devam etken zıddiyetni toqtata bilgen «barışıq añlaşmasınıñ resmiy imzalanuv merasiminde qarşılaycaq», dep bildirgen edi.
