Azerbaycan prezidenti İlham Aliyev cumhuriyetniñ Energetika nazirliginiñ paralarırı Ukrayinağa gumanitar yardım köstermek maqsadınen ayıruv emrini imzaladı, dep yaza Azertac devlet agentligi.
Eki million dollar Azerbaycanda yapılğa elektrik donatmalarını alıp yollamaq içün berilecek.
Avgustnıñ 10-nda Aliyev Ukrayina prezidenti Volodımır Zelenskıynen telefonda laf etti. Olar SOCAR azerbaycan şirketiniñ cermay bazası ve Ukrayinadaki diger Azerbaycan obyektlerine qarşı «Rusiye ava ücümlerini» takbih etti. Azerbaycan prezidenti Ukrayina Silâlı quvetleri içün silı bertsı embargosını da lâğu ete bile, dep qorquzdı.
Zelenskiy bu subet aqqında haberinde Azerbaycanğa Rusiyeniñ Ukrayina energetika obyektlerine qarşı ücümleri aqqında bildirdi.
«Ukrayina bunı Rusiyeniñ bizge ve diger Avropa memleketlerine energetik mustaqillik kefil etken energetika yollarını blok etmek ıntıluvı dep saya», – dep qoştı o.
Bundan ğayrı, Ukrayina prezidenti Aliyevni avgustnıñ 8-nde Washingtonda Baqı ve Erivan arasında tizilgen barışıq añlaşmasınen tebrikledi.
Azerbaycan gazınıñ Avropa ve Erivanğa keçken Odesadaki kompressor stantsiyasına qarşı darbe Rusiye ordusı tarafından avgustnıñ 6-na keçer gecesi endirildi.
Bundan bir qaç kün evelsi, iyulniñ soñunda, Ukrayina Azerbaycan gazını ilk sefer Transbalkan ayatından aldı – Ukrayina, Moldova, Romaniya, Bulğaristan ve Türkiyeden keçken magistral gaz borusından.
Avgustnıñ 8-ne keçer gecesi Shahed Rusiye uçucısızları Odesa vilâyetinde SOCAR azerbaycan şirketiniñ cermay bazasına darbe endirdi. Yanğın çıqtı, dizel borusı zarar kördi, şirketniñ dört hadimi ağır yaralandı.
